Таза қазақ тілінде тереңдетіп білім беріп, ұлттық құндылық пен тәрбиені негіз еткен ұлттық лицейлер 2022-2023 оқу жылында алғаш рет ашылды. Бүгінде бұл лицейлер Астана, Алматы, Шымкент, Қостанай, Атырау, Ақтау, Қарағанды және Қызылорда қалаларында табысты жұмыс істеуде.

Білім беру жүйесінің дамуына үлес қосу мақсатында құрылған қордың негізгі басымдықтары:

• Мектеп пен сапалы білім тапшылығы жиі кездесетін аймақтарда ұлттық мектептер желісін қалыптастыру;
• Аз қамтылған, әлеуметтік тұрмысы төмен отбасылардан шыққан оқушыларға жүйелі әрі сапалы білім алуға жағдай жасау және дарынды балалардың НЗМ, БИЛ, РФММ сияқты үздік мектептер мен жетекші жоғары оқу орындарына түсуіне мүмкіндік беру үшін гранттар ұсынып, қосымша білім алуын қамтамасыз ету;
• Білім беру жүйесіндегі оқулықтар мен бағдарламалардың сапасын арттыруға үлес қосу.

2014 жылғы 24 наурызда ұрпақ тәрбиесі мен білімін дамытуға үлес қосу мақсатында www.kazbilim.kz ақпараттық-сараптама порталы құрылды. Білім саласындағы маңызды ақпараттарды халыққа жеткізу үшін құрылған бұл агенттік бүгінде ZERO рейтингінде Қазақстанның үздік 50 сайтының қатарынан орын алды. Ақпараттық агенттікте білім саласының жаңалықтары, онлайн сабақтар, білім жарыстары, қажетті кеңестер мен редакция бөлімі сияқты айдарлар бар.

“QAZBILIM” баспасының қоржынында ҰБТ-ға, НЗМ, БИЛ және басқа да дарынды балаларға арналған мектептерге, сондай-ақ пәндік олимпиадаларға дайындыққа арналған 150-ге жуық оқу-әдістемелік құралдар мен кешендер бар.
ҰБТ-ға дайындық оқу құралдары білім беру ұйымдары педагогтерінің тәжірибесін ескере отырып, сараптамалық кеңестің қорытындысы негізінде әзірленіп, республика деңгейінде қолдануға ұсынылған.

Қазіргі таңда еліміздің 8 қаласында 9 бөлімшесі бар QAZBILIM білім беру орталығы келесі бағыттар бойынша қызмет атқарады:

• НЗМ, БИЛ, РФММ, Зерде мектептері және басқа да дарынды балаларға арналған білім беру мекемелеріне дайындық;
• 3-11 сынып бағдарламасы бойынша қосымша білім беру;
• ҰБТ-ға кешенді дайындық;
• Назарбаев Университетіне дайындық;
• Тіл курстары және халықаралық емтихандарға (IELTS, TOEFL, Duolingo English Test) дайындық;
• Пәндік олимпиадаларға дайындық;
• Авторлық оқу құралдары мен әдістемелік кешендерді әзірлеу және сату;
• Мамандық таңдауға арналған арнайы сабақтар мен кеңес беру;
• Мотивациялық тренингтер ұйымдастыру;
• Республикалық деңгейде мұғалімдер мен оқушыларға арналған шеберлік курстарын өткізу.

QAZBILIM бөлімшелері 10 жылдан астам уақыт ішінде 10 000-нан астам шәкіртті дайындады. Олардың 95-97%-ы білім грантына ие болды.
Біздің жетістіктеріміз:

• ҰБТ: 140 балл
• IELTS: 7.5
• НЗМ: 1260/1300, 1405/1500

QAZBILIM — сапалы білім мен үздік нәтижеге бағытталған көшбасшы орталық!

2023 жылы цифрлық білім беру бағытында QAZBILIM.ONLINE платформасы іске қосылды. Бұл платформа оқушылар мен педагогтарға білім алуда бағыт-бағдар беретін заманауи қосымша болып табылады.
QAZBILIM.ONLINE платформасының қызметтері:

• ҰБТ-ға қашықтан дайындалуға мүмкіндік беру;
• Оқушылардың жетістігін сырттай бағалау үдерісін жеңілдету;
• QAZBILIM баспасының электронды кітапханасына қолжетімділік ұсыну.

Электронды кітапханадан қажетті оқу құралдарын цифрлық форматта пайдалану немесе қағаз түрінде сатып алу мүмкіндігі бар. QAZBILIM.ONLINE – заманауи білімге жол ашатын тиімді құрал!